GISAAD sa komedyanteng si Ai-Ai delas Alas nga una matapos ang tuig, mahuman na ang ipatukod niyang simbahan.

Si Ai-Ai usa ka Katoliko ug may debosyon sa Birheng Maria.

Tsika ni Ai-Ai nga nakigpulong na siya sa pipila ka pari aron matuman ang iyang plano.

Buot ni Ai-Ai nga mapatukod ang simbahang Kristong Hari sa Commonwealth Avenue sa Quezon City.

Kabahin sab sa iyang debosyon ang paghimo og fundraising concert aron mapaayo ang maong simbahan.

“Dream ko magpagawa ng napakalaking simbahan bago man lang ako mag expire sa mundo at kapag humarap ako sa Lumikha, si Father God, may masasabi ako sa kanya na nagawa ko. Please help me build this Church. Pag lumabas na po ang ticket, sana po ay tulungan ninyo ako and bumili kayo ng kahit magkano lang na galing sa inyong puso,” ni Ai-Ai.