SA panahom ni pound-for-pound champion Manny Pacquiao, masinati ni Joshua Clottey ang nasinati ni Miguel Cotto inig harong nila karong Marso 13 sa Cowboys Stadium sa Dallas, USA.

“People were saying that I won’t be able to put Cotto down but you know what happened,” matod ni Pacquiao sa interbyu sa usa ka boxing website.

Click here for stories and updates on the Sinulog 2010 Festival.

Bisan sa bintaha ni Cotto sa gidak-on, gikulata gihapon siya’g maayo ni Pacquiao niadtong Nobiyembre diin milampos ang Pinoy boxing hero pinaagi sa 12th round TKO ug nahimong labing unang boksidor nga nakabingwit og pito ka world titles sa managlahing timbang.

Giangkon ni Pacquiao nga tataw kaayo ang bintaha sa gidak-on ni Clottey apan wala siya malisang, maapil kini sa linya sa mga dagko nga iyang gipangbiktima nga sila si Oscar De La Hoya, Ricky Hatton ug Cotto.

Kagahapon, si Pacquiao ug Clottey nangabot na sa Dallas ug mag-abot kini sa usa ka press conference ugma.

Sa laing bahin, gituohang dili madayon nga moaway si Philippine bantamweight champion Eden Sonsona sa undercard sa Pacquiao-Clottey bout.

Posibleng sa usa ka promosyon sa Top Rank nga ipahigayon sa Mexico moaway si Sonsona karon sab nga Marso.

Si Sonsona dungan nga miabot ni Pacquiao sa Los Angeles sa miaging adlaw ug gikatahong makaaway kini sa “The Event” promotion apan kalit lang nausab ang laraw.