NITALIWAN na ang Sugboanong Press Secretary nga si Cerge Remonde didto sa Makati Medical Center mga alas 11:51 sa buntag kagahapon tungod sa atake sa kasingkasing. Nag-edad siyag 51.
“Isang malungkot na balita. Kaninang 11:51 ng umaga ang ating kalihim Sec. Remonde ay binawian ng buhay,” matod ni Press Undersecretary for Operations Romeo “Butch” Junia.
Ang personal staff ni Remonde nakakita kaniya nga wa nay panimuot sa banyo sa iyang balay sa Bel-Air Village, Makati ug gidala gilayon siya sa hospital, saysay ni Junia.
“Secretary Cerge Remonde was brought to the emergency department of the MMC at about 11:20 this morning. He was unconscious, he was not breathing, no heartbeat.
We were there to resuscitate him. Despite heroic measures, he expired at 11:51,” pahibawo Dr. Eric Nubla ngadto sa mga tigbalita nga diha sa tambalanan.
Matod ni Dr. Anthony Leachon, personal nga doktor ni Remonde, nga ang press secretary nipaubos sa “surgical spine operation” niadtong 2007.
Nibutyag si Leachon nga nag-monitor siya sa kondisyon sa panglawas ni Remonde niadtong holiday.
Dihang gipangutana si Leachon kon unsay namatyan sa iyang pasyente, “Sa tingin ko cardiac arrest secondary to myocardial infarction ... Baka nagkaroon siya ng irregular heartbeat na naging cause ng pagkamatay niya.”
Si Executive Secretary Eduardo Ermita nipahibawo nga si Pres. Gloria Macapagal-Arroyo gipahibawo na sa kamatayon ni Remonde ug midugang nga, “We are all in grief with the passing away of our beloved friend, Press Secretary Cerge Remonde. It was a very untimely passing away of Cerge.”
“The staff at OPS and in Malacañang are doing everything to make the appropriate arrangements from the time that the remains are taken over by the funeral parlor of Heritage in the Makati Medical Center...while we are awaiting the arrival of Mrs. Remonde, the remains will (stay) at Heritage tonight,” padayag ni Ermita.
Ang asawa ni Remonde nga si Marit Stinus Remonde niabot sa Manila kagahapon sa alas tres sa hapon. Didto nitugpa ang gisakyang ayroplano ni Marit sa Aboitiz Hangar sa Manila Domestic Airport, Pasay City ug niadto gilayon sa MMC aron motan-aw sa lawas sa iyang bana.
Nisaysay si Junia nga wa siya makakitag mga sinyales nga si Remonde nga kanunay daghang trabaho nga dunay sakit.
“Kagabi (milabayng gabii), we were working late at the office.
We had a late dinner and routine work at the office. We stayed until 9 p.m. There was no sign he was under any kind of physical condition that was threatening,” dugang padayag niya.
Di siya motuo nga ang biyahe ni Remonde sa Sugbo niadtong milabayng semana diin siya nitambong sa Sinulog festival maoy hinungdan sa iyang kamatayon.
Matag tuig na si Remonde motambong niini.
Apan, ang iyang personal nga doktor nipahibawo nga ang opisyal adunay sakit nga diabetes ug hypertension sa wa pa siya mamatay.
Si Leachon namahayag nga ang sigeg panigarilyo ni Remonde nakaapekto usab sa iyang panglawas.
“Medyo mataas ang kaniyang risk factors. Eight out of 10 ang kaniyang risk factors,” nagkanayon si Leachon.
Midugang siya nga si Remonde giatake mga alas 9:30 sa bunatag ug nakit-an siyang way panimuot sa ilang banyo usa ka oras ang nakalabay. Kon sayong nadala sa hospital sa Remonde, hayan maka-survive siya, matod ni Leachon.
“Kung mga isang oras siya sa banyo, malaking bagay ho iyon.
Dapat mga five to 20 minutes na oxygenation (puwedeng mabuhay) pero kung isang oras, imposible,” padayag sa doktor.
Ang impormasyon nga naabot kang Leachon, nga si Remonde nangayog sigarilyo sa wa pa mosud sa banyo diin didto siya nakit-ang wa nay panimuot.
Niadtong Lunes sa gabii, si Remonde ni-post og pag-ampo sa iyang Facebook status update nga nagkanayon “Lord, thank you for your infinite love that meets our every need and provides all the beautiful and wonderful things we experience in life. Release our hearts and minds from fear and worry. Fill us with your peace as we learn to fully trust in your providence. Help us to do all that we are capable of and the rest we entrust unto you. Amen.” (JECT/Wires)