SUPERBALITA CAGAYAN DE ORO

Cavs sulod na!

ABANTE na ang Cleveland Cavaliers ngadto sa NBA eastern conference semifinal human gipilde nila ang Indiana Pacers, 105-101, atol sa desisyon nga Game 7 kagahapon didto sa Quicken Loans Arena, balwarte sa Cavs.

Nipupo og dako si Lebron James agi sa 45 puntos, siyam ka rebonds ug pito ka steals, samtang nitala og double-double si Tristan Thompson nga adunay 15 ka marka ug 10 rebounds.

Naunhan sa Cavs ang Pacers sa first quarter agi sa 31-19 nga labaw, apan nahinayhinayan kini og putol.

Nikamang og balik ang Pacers sa third quarter ug napahak ang biya ngadto sa duha nalang sa iskor 74-76.

Apan, nibalik pagangat sa Cavs tungod sa duha ka tres ni Kevin Love sa kataposang fourth quarter diin niangat ngadto sa 12 puntos nga labaw, 91-79.

Nakuptan sa Cavaliers ang labaw ug ulahi na kaayo ang rally sa Pacers.

Maagbat sa Cavs ang Toronto Raptors sa eastern conference semifinal.

Sa pikas bahin, nidaug ang Houston Rockets kontra Utah Jazz, 110-96, sa NBA western conference semifinal Game 1 kagahapon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph