Nabayran ni John Rey Tumanda ang iyang mga pag-ensayo matag adlaw sa sigeng dagan ubos sa kainit sa adlaw.
Gawas niana, mo-duty pa ang 28-anyos nga Tumanda sa kadalanan matag buntag human sa iyang ensayo aron lang manerbisyo isip traffic enforcer sa Roads and Traffic Administration sa Cagayan de Oro.
Mag-swimming pa siya ug mag-biking sa hapon aron mapreparahan niya ang unsa man nga triathlon contest.
“I have to stay active matag adlaw. Momata ko sayo aron magdagan, then magtrabaho ug swimming ug biking dayon sa hapon,” ingon ni Tumanda, usa ka lumolopyo sa Barangay Bonbon.
Iyang mga paningkamot nabayran ra human milanding sa ikatulong pwesto sa 70.3 Sunrise Ironman Triathlon Challenge Davao City Leg 25-29 age group niadtong Marso didto sa Davao.
Niadtong Domingo, nikampyon siya sa Mapawa 21K trail run.
Wala madamha ni Tumanda nga mopaingon siya pagka triathlete kay igo lang ni niya gisulay ug naganahan dayon pagpadayon.
Matod pa niya nga sa 2016 pa siya nagsugod og triathlon dungan pagsulod niya sa RTA.
“Wala damha kay sulay-sulay ra man to’ ang ako apan kalit lang ko niganahan,” ingon niya.
Daan na kini usa ka runner si Tumanda sukad sa iyang elementarya sa City Central hangtod sa kolehiyo didto sa De La Salle University sa Dasmarinas, Cavite.
Duha na sila nga inilang triathlete diha sa Bonbon uban ni Banjo Norte.