Mga kandidata sa Miss Phils. Earth nalingaw

NAMAULI na sa kaulohan ang 14 ka mga kandidata sa Miss Philippines Earth 2018.

Lakip sila Karen Ibasco, kinsa reigning Miss Earth 2017, ug ni Miss PH Earth Fire 2017 Neliza Bautista.

Human sa tulo ka adlaw nga paglibot suroy sa probinsya sa Misamis Oriental.

Sakay sa yate gikan sa Apple Tree Resort sa lungsod sa Opol Misamis Oriental diin sila nagpuyo sa tulo ka adlaw misubay sila paingon sa Agutayan Island lungsod sa Jasaan Misamis Oriental.

Dinhi nakadayeg ang mga kandidata sa kalimpyo sa dagat ug kapatsada sa palibot.

Dili lamang paglibot suroy ang ilang gihimo apan nanguha sab sila sa basura isip coast cleaning.

Human niini ilang gibisitahan ang Sagpulon Falls diin nagpiyesta ilang mga mata sa 100 feet nga waterfall drop.

Walay pagkapura nga nagkuha gihapon og hulagway sa palibot niini ang mga kandidata.

Naghalo-halo ang mga kandidata sa maong dapit ug uwahi nilang gihapitan ang sailfin lizard habitat sa Barangay Solana lungsod sa Jasaan diin ila kining giitsahan og mga pagkaon ug giabi-abi ang nag-atiman niini nga magtiayon nga sila Alma ug Rudolfo Dael.

Nihatag sab sila og panahon nga makabonding ang mga empleyado sa Kapitolyo niadtong adlawng Biyernes.

Miduyog ang mga kandidata sa zumba o hataw ug labaw sa tanan ilang gibisita ang farmers market nga masaksihan matag adlawng Biyernes sa hawanan sa kapitolyo.

Gisuwayan sa mga kandidata ang mga prudoktong gama sa taga Misamis Oriental sama sa Oolong tea nga nag inusara sa Gingoog City walay laing tanom nga sama niini dinhi sa nasod sa Pilipinas.

Mitilaw sab sa sarguelas nga prutas gikan sa weste nga bahin, binaki, piaya ug naglumba og kaon sa balut nga gikan sa Itikan sa kalamboan.

Dili masukod ang kalipay nga makita sa hulagway sa mga kandidata sa ilang talagsaon nga ekperyensa ug pagsuway sa mga lamiang gama sa Misamisnon ug mipasalig nga mobalik sa probinsya.

Mismong si Misamis Oriental Tourism Director Jeffrey Saclot ang migiya kanila sa maong kalihokan.

Gipaabot sab ni Misamis Oriental Governor Yevgeny Vincente Emano iyang dakong pasalamat sa mga kandidata nga mibisita sa probinsya tungod kay dako sila ug tabang matabangan og promote ang turismo sa probinsya ngadto sa ilang mga higala, paryente ingon man followers diha sa social media.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph