SUPERBALITA CAGAYAN DE ORO

Taxi driver nga armado sapon sa checkpoint

ARMAS ug ginadiling druga ang nasakmit gikan sa taxi driver sa checkpoint sa Barangay Lumbia, dakbayan sa Cagayan de Oro.

Giingong nag-transport og ilegal nga druga si Jun Cris Gumahin, 33, minyo, taga Singapore, Balungis, Balulang, Cagayan de Oro.

Nakadawat og impormasyon sa Police Station Ilocos Region (PS1) sa Divisoria ubos kang Police Chief Inspector Julius Clark Prisco Macariola IV kabahin sa gikalambigitan sa suspek ug nakig-coordinate sila sa mga personahe nga nagpahigayon og checkpoint.

Sa dihang nakita ang deskripsiyon sa motorsiklo lakip na ang suspek gi-flagged down kini sa checkpoint sa personahe sa City Mobil Force Company (CMFC) ug Task Force Oro diin kini misulay og hurdle.

“Pagkuha pa lang ani nakita nato ang usa ka armas nga gitago-an sa iyang dughan pati sa iyang lawas unya atoa kining gikapkapan by the virtue sa warrantless kay naa ma’y violation so nakuha nato ang usa ka gamay nga sachet sa gitoohan nato nga druga,” pahayag ni Macariola.

Nasayran nga nag-transport kining suspek gikan sa Wao, Lanao del Sur, paingon dinhi sa dakbayan.

Gikabutyag nga nasikop usab sa pagkalambigit sa ginadiling druga ang asawa ni Gumahin.

Nakuha gikan sa posisyon sa suspek ang mokabat P2 mil nga kantidad sa shabu lakip na usa ka .45 cal pistol (armscor) diin aduna’y mga buhing bala lakip na ang gigamit niini nga XRM nga motorsiklo nga nagdala sa numero sa plaka nga 100010261264.

Ang maong mga nakuhang mga ebedensiya ang gisaksihan sa usa ka kagawad sa Barangay Lumbia.

Karong panahona, ang maong suspek ang kasamtangang anaa sa Maharlika Detention Cell ug posibleng mag-atubang sa kasong pagsupak sa election gun ban ug Republic Act 9165.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph