SA KALIT nga pag-utro, didto na sa munisipyo sa Lagonglong paga-abrihon ang karong tuig nga Kuyamis Sportsfest karong Mayo 5.
Dili na mahinayon ang pag-abri didto sa Don Gregorio Pelaez Sports Center, diin unang gianunsyo.
Gikonsiderar sa kadagkoan sa sportsfest nga testingan pag-abri sa laing lugar ning tuiga kaysa sa sports center nga kanunay ipahinayon.
Butyag ni Prexy Elipe, ang chairman sa sportsfest, planong ipaduol og maayo ang liga sa munisipyo gawas sa out-of-town games.
Tinguha ani para daghan na lugar sa Misamis Oriental ang gusto ipahinayon ang opening sa ilang balwarte.
Gidawat ni Lagonglong mayor Jap Puertas nga dinha sa iyang munisipyo i-abri ang gikahinam nga sportsfest.
Naa na sa 21 ka local government units ang nisalmot ug gilantaw kini nga nagkakulbahinam ang sportsfest labina adunay upat ang bagong niapil ug duha ka returnees.