SUPERBALITA CAGAYAN DE ORO

Unang dugo

NISAMAD og unang dugo ang Boston Celtics agi sa 117-101 nga daug kontra sa Philadelphia 76ers atol sa Game One sa ilang NBA eastern conference best-of-seven semifinal kagahapon didto TD Garden, balwarte sa Celtics.

Nangulo si Terry Rozier alang sa Boston pinaagi pagtala og 29 puntos, walo ka rebounds ug unom ka assists, samtang niabag sab og dako sila Jayson Tatum ug Al Horford nga anaay 28 ug 26 ka marka, sunodsunod.

Dikit ang panagsangka sa first quarter ug nilamang lang ang Celtics og tulo sa iskor 25-22.

Apan, nahinayhinayan kini sa pagbinat sa Celtics ug napaingon sa 11 puntos nga labaw pagtapos sa first half, 56-45.

Nakuptan nila og maayo ang labaw sa third quarter ug wala nila gipadikit ang Sixers paingon sa kataposang fourth quarter.

Nidula ang Celtics nga ilang saligandong guard nga si Kyrie Irving tungod sa injury.

Gitaho nga dili makadula si Irving sa tibook playoffs ug bag-o lang siya nagpa-surgery.

Nibira sab si Joel Ebiid og double-double pinaagi sa 31 puntos ug 13 rebounds, samtang nihatag sab sila JJ Redick ug Ben Simmons og 20 ug 18 puntos, sunodsunod.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph