GILAKIP na sa Commission on Elections (Comelec) si kanhi Cebu Gov. Emilio “Lito” Osmeña sa talaan sa mga kandidato sa pagkasenador sa piniliay sa Mayo 10.

Duha na karon ka mga Osmeña ang kandidato sa pagkasenador, si Lito Osmeña ug si kanhi senador Serge Osmeña.

Click here for stories and updates on the Sinulog 2010 Festival.

Segurado gyung dunay morepresentar sa Sugbo didto sa Senado kon modaog silang duha.

***

Nalipay si Lito Osmeña niining bag-ong desisyon sa Comelec apan nalipay sab diay siya sa unang desisyon nga nagtangtang kaniya sa listahan sa mga kandidato sa

pagkasenador.

Tungod sa unang desisyon, matod pa niya, nakakuha siyag libreng publisidad ug nailhan na hinuon siya sa mga batan-ong mga botante.

Kay klaro na man nga apil siya sa mga kandidato sa pagkasenador, magsugod na siyag pangampanya, pero giundang sab niya ang iyang financial aid ngadto sa Liberal

Party.

***

Di na bag-o sa Senado nga dunay duha ka senador nga managsamag apelyido.

Sama nila ni Senador Pia ug Allan Peter Cayetano ug kaniadto sila si Jinggoy Estrada ug Loi Ejercito.

Maong di na sila mahingangha kon dunay duha ka Osmeña sa Senado.

***

Ang lisod mao kanang duha ka buok kongresista sa usa ka distrito sama sa nahitabo sa fourth district sa lalawigan sa Sugbo.

Nihurar na si Celestino “Tining” Martinez III isip kongresista human mogawas ang hukom sa Korte Suprema nga nag-ingon nga siya mao ang tinuod nga mananaog sa miaging piniliay.

Samtang si Kongresisita Benhur Salimbangon di pa sab manaog sa pwesto kay duna pa man siyay motion for reconsideration.

Ang nakaayo sa pwesto sa pagkakongresista kay way opisina nga trangkahan o lungkabon.

***

Wa na idayon ang plano sa Cebu City Hall nga pasul-ubon ang mga kawani og T-shirt nga markahan og “S.R.P. Suya Ra ang Probinsya” sakay sa float sa syudad atol sa

Sinulog grand parade kagahapon.

Pero malipay ta nga nangahalin na ang mga luna sa SRP kay aron maluag-luagan ang balayrunon sa syudad sa utang sa SRP.

Ang ulahing nipalit ug balor P2.7 bilyunes mao ang SM nga magtukod sa SRP sa labing dakong shopping mall sa Kabisay-an ug Mindanao.-Sun.Star Superbalita [Cebu]