SUPERBALITA CAGAYAN DE ORO

Subokin target sa pag-abli sa 1st Loyola Cup Summer Basketball

CAGAYAN DE ORO. Nag-solidarity ball ang kadagkoan ug team managers sa kadaiyang ball club atol sa pag-abli sa 1st Loyola Cup Summer Basketball Tournament niadtong Lunes sa XU gym. Gikan sa wala paingon tuo mao si commissioner Arvin Martinez ug team managers nga sila Reynand Fuentes, Rocky Calingin, Norman Paul Ihalas, Jay-ar Madrigal ug Jon Manigsaca. (Jaime A. Frias II)

PORMAL gibuksan ang 1st St. Ignatius de Loyola Cup Summer Basketball League niadtong Martes, Mayo 1, sa Xavier University (XU) Gymnasium.

Ang torneyo abli alang sa nag-edad 26 anyos ug pataas.

Lima ka ball clubs ang nisalmot sa maong torneyo nga gilangkoban sa Arsenals, HNH Builders, Stampede, Tracy Basketball ug ang inilang Subokin.

Butyag ni commissioner Arvin Martinez, garbo ang nakapusta niini alang sa mga ball club ug ipagawas nila ang ilang katakos.

Halos tanan mga kanhi varsity sa kolehiyo ug wala pa mahuman ang ilang pagka mantas sa dulang basketball.

“Wala pa mawala ang competitive level namo, naa pa ang urge modula,” ingon ni Subokin team manager Rocky Calingin sa gipahigayon nga press conference bag-o giabri ang mga dula.

Nabutang nga inilog ang Subokin sa tapad tungod kay halosa ila mga players mga inila nga varsity sa ilang kapanahonan.

Dili malalis nga targeton sa tanan ang Subokin.

“We cannot say we are strong in the field, but my boys are just confident and they want to shoot balls,” pahayag ni Calingin.

Alang sa uban, garbo alang kanila nga mosalmot sa liga labina nga damgo nila nga makadula sulod sa XU Gym.

“Dili magmahay sila even dako ang registration, but rest assured they will experience good service,” ingon ni Martinez.

Ang liga usa ka double round robin ug ang top two moaway sa best-of-three championship, samtang ang numero tres ug kwatro magsangka sa ikatulo nga dapit.

Nagrepresentar sab sa ilang kadaiyang team sa press conference mao sila Jon Manigsaca (Stampede), Jay-ar Madrigal (Tracy), Norman Paul Ihalas (Arsenals) ug Reynand Fuentes (HNH).


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph