GITAHO sa Philippine Entretainment Portal (PEP) nga gibutyag na sa Star AdProm director Roxy Liquigan ug Star Cinema & TV Synergy Specialist Mico del Rosario ang lineup sa mga pelikula sa Star Cinema this year.
Alang karong 2010, ang 2010, ang Paano Na Kaya nila ni Kim Chiu ug Gerald Anderson ang ilang first offering. Ang story niini may kalabutan sa managhigala diin ang usa kanila, nahigugma.
Ka-join nila sa pelikula sila Domingo, Guji Lorenzana, IC Mendoza, Alwyn Uytingco, ug Zsa Zsa Padilla. Naa sa'y special participation si Rica Peralejo sa maong movie.
Karong January 27 ipasalida ang maong pelikula.
Sa pikas bahin, sundan kini sa Miss You Like Crazy nga bidahan sa dugay nang gihuwat nga loveteam nila ni Bea Alonzo ug John Lloyd Cruz.
Ang pelikulang One More Chance nga usa ka box office hit niadtong 2007 ang uwahi nilang giubanan. February 24 ang schedule sa pagpasalida sa maong pelikula.
Kabahin sa pelikula nila ni Bea ug John Lloyd si Maricar Reyes diin pipila ka bahin sa movie, gi-shoot sa Malaysia. Si Direk Cathy Garcia-Molina ang mo-direk niini.
Sunod niini mao ang "Babe, I Love You" nga bidahan sa kanhing mag-uyab nga sila sila Sam Milby ug Anne Curtis nga ipasalida, April 3.
Sunod niini mao ang movie nga ubanan sa mag-amahan nga Gabby ug KC Concepcion.
Nagpaabot sab ang movie nga magkauban sila si Piolo Pascual ug si Zaijian Jaranilla nga mas nailhang si Santino sa May Bukas Pa.
Di sab pauwahi niini si Angel Locsin ug Aga Muhlach ug may movie sab sila si Robin Padilla ug Toni Gonzaga.
Gihuna-huna pa sab sa Star Cinema kung mohimo ba sab og pelikula si Ai Ai delas Alas diin si Direk Wenn Deramas gihapon ang mopanindot sa obra.