SUPERBALITA CAGAYAN DE ORO

Tumanda nilanding sa ikatulo sa Dipolog Triathlon

DAKONG garbo na usab sa buhatan Roads and Traffic Administration ang pagkalanding sa ikatulo nga pwesto sa usa ka traffic enforcer sa dakbayan sa Cagayan de Oro.

Naka pwesto sa ikatulo ang 28-anyos nga si John Rey Tumanda atol sa gipahigayon nga Dipolog Triathlon 105 long distance triathlon age group 25-29 male niadtong Domingo didto sa Dipolog City.

Pila ka segundo lang ang biya sa kontra ni Tumanda sa nikampyon ug sa ikaduha nga pwesto nga gikan sa Omega PRO Cebu City.

Nakuha ni Joland Ornelia ang unang pwesto agi paghuman sa 2:57:12 (hour/minute/second) ug si Jorry Ycong nihuman sa 2:59:14 samtang nagsunod si Tumanda sa 3:00:54.

Matod ni Tumanda, si Ycong ang kanunay niyang madikit sa matag lumba labina niadtong 70.3 Sunrise Ironman Davao Leg.

“Siya ra gihapon akong kanunay madikit,” ingon ni Tumanda, kinsa garbo sa Bonbon uban ni Banjo Norte.

Kahinumdoman nga si Tumanda bag-o lang nikampyon sa Mapawa trail run sa miaging semana.

Usa siya ka sakop sa Roads and Traffic Administration diin naka-estasyon atbang sa Misamis Oriental Capitol sa Velez Streets.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph