Ngalan sa masuso nga nakit-an sa dumpsite ipahinungod ni St. Joseph

BISAN anaa na sa stable nga kondisyon ang masuso nga gibiyaan ug nakit-an sa Umapad dumpsite, dakbayan sa Mandaue niadtong Martes apan padayon gihapong gi-obserbahan sa tambalanan ang kahimtang niini.

Kagahapon, gipaubos og blood test si Joseph, ang pangalan nga gihatag ni Mayor Luigi Quisumbing sa masuso human na-atol ang pagkadiskubri niya sa kapistahan ni St. Joseph.

Matod sa pangulo sa City Social Welfare and Service Office (CSWS) nga si Jessie Perez, kinsa maoy nikustodiya ni Joseph nga nihubag ang pusod sa lima ka adlaw nga masuso.

Kini matod pa human sa dihang dugay nga na-expose ang samad niini sa hugaw.

“Nihubag iyang pusod unya magtingog iyang dughan kon moginhawa siya,” ni Perez sa dihang gikahinabi sa Superbalita Cebu.

Dugang niya nga wa pa sila mahibawo kon kanus-a makagawas sa pampublikong tambalanan ang masuso nga gi-admit human nakit-i.

Kahinumduman nga sa dihang nakit-an ang masuso niadtong Martes, daw nag-yellow ang kolor sa pamanit niini.

Nakit-an si Joseph pasado alas 8 sa buntag niadtong Martes dayon gi-turn over kini ngadto sa CSWS. (JPP)

Related Stories

No stories found.
SunStar Publishing Inc.
www.sunstar.com.ph