SA edad nga 74, ni-panaw sa laing kalibutan kagahapon ang usa sa mga beteranong persona-lidad sa Cebu basketball nga si Eddie Montalban.
Ang kanhi magdu-duwa sa University of San Carlos (USC) Warriors nakit-ang wala na’y kinabuhi sa iyang lawak pahuwayanan mga alas 7:30 sa buntag kagaha-pon.
Giingong ataki sa kasingkasing maoy hinu-ngdan sa kamatayon ni Montalban.
Nagkanayon ang apo ni Montalban nga si Carmel nga sa ilang pag-tuo, kaadlawon pa lang, nakabsan na sa iyang kinabuhi si Montalban.
“Mga 7:30 sa buntag na siya nakit-an sa amoang boarders pero lagom na man ang iyang lips. Basin kadlawon pa lang, giataki na si lolo sa kasingkasing,” matod ni Carmel.
Ang patay nga lawas ni Montalban naa karon gihaya sa Cosmopolitan.
Wala pa masayri kon kanus-a ang lubong kay gihuwat pang maabot ang nag-inusara na lang nga igsuon ni Montalban gikan sa Germany. Duha unta ang igsuon ni Montalban apan namatay na sab ang usa.
Taas na sab gyud kaayo’g kasinatian si Montalban kon hisgutan ang basketball sa Sugbo.
Nahimo siyang coach sa Cebu Central Colleges (University of Cebu sa pagkakaron) sa college division unya nag-coach sab siya sa USC Baby Warriors.
Nahilambigit sab si Montalban sa nagkadai-yang commercial teams sa Sugbo lakip na niini ang multi-titled M.Lhuillier Kwarta Padala. Nakapa-higayon sa siya’g mga training camps.