SA tinguhang made-pensaan nila ang korona, ang M.Lhuillier Kwarta Padala-Cebu City Niños ningkuha sa dagkong mga magduduwa nga sila si Nat Cruz ug Hafer Mondragon aron palig-unon og samot ang ilang puwersa alang sa 2010 Liga Pilipinas nga sugdan karong Peb-rero 3 sa wala pa matino nge venue.

Ang presensya nila ni Cruz ug Mondragon ma-katabang gyud og dako sa kampanya sa Niños hilabi na sa ilawom nga bahin.

Click here for stories and updates on the Sinulog 2010 Festival.

Sa pagsulod nila ni Cruz ug Mondragon, gibuhian sa Niños sila si John Malinao ug JR Escobal.

Nagkanayon si Niños coach Raul “Yayoy” Alcoseba nga sa gidak-on ug gitas-on sa iyang bag-ong mga magduduwa, malaumon siyang mapro-tektahan gyud nila ang korona.

Si Cruz kanhi sakop sa Ilocos Sur Bravehearts samtang si Mondragon kanhi sakop sa Quezon Red Oilders.

“I’m sure they’re a big help in our campaign in the Liga Pilipinas this season,” batbat ni Alco-seba.

Sa miaging tuig, ang Niños ningkulit og kasay-sayan isip labing unang team nga milangkat sa korona nga wala gyud napilde sulod sa 21 ka mga duwa.

Si pointguard sa Niños nga si Woodrow Enriquez maoy napiling MVP sa regular season.

Samtang si ex-PBA Stephen Padilla, tirador sa Niños, maoy natudlong Finals MVP.