SUPERBALITA DAVAO

Delos Reyes: Way gipihig

GIPAKITA ni Presidente Rodrigo Duterte nga wa siyay gipihig bisan pa ang iyang suod nga mga alyado sa iyang administrasyon, iya gayud paphaon sa puwesto kon maduhig sa isyu sa kurapsiyon ug dili maayo nga imahe sa iyang administrasyon.

Misunod nga gitugotan ni Digong si Tourism Secretary Wanda Teo nga taga Davao nga mobiya sa iyang puwesto tungod sa isyu sa P60 milyones nga advertisement nga gibutang sa programa sa iyang mga manghod nga nailang Tulfo Brothers sa ilang programa nga Bitag sa television.

Unang suod nga mga higala ni Presidente Digong si Peter Laviña, Mike Sueno ug Vitaliano Aguirre ang gipangtaktak sa ilang puwesto tungod sa mga isyu nga ilang gikalambigitan aron ipakita sa katawhan nga sinsero ang presidente sa iyang gisaad panahon sa iyang pagpangampanya nga iyang hinloan ang gobyerno sa kurapsiyon.

Sayang ang serbisyo ni Teo kay nakapanukad na unta ang programa sa turismo apan dili gayud angayan ang iyang gibuhat nga didto gibutang ang advertisement sa iyang departamento sa programa sa iyang mga manghod kay mahimong sila ra ang nakapahimulos sa kuwarta sa gobyerno. Bahini pod ninyo ang uban!

Wala man nisaad si Presidente Duterte nga walang kaibigan, kumpare o kapamilya sa iyang administrasyon apan makita sa iyang binuhatan nga wala siyay gipalabi kon dili ang kaayohan sa tibuok nasud.

Motoo ba mo nga wa kahibalo si Teo nga iyang mga igsuon ang nagdala sa programa sa television diin niya gihatag ang advertisement sa DOT?

Sa laing bahin, kinsa man ang angayan basulon sa pagmuntar sa nasud sa China sa ilang missile sa West Philippine Sea? Sa atong yanong pagsabot gipahimuslan sa nasud China ang pagpakigsuod ni Presidente Duterte ngadto kanila ug ilang gipakita nga duna silay kusog nga makigbangga sa Estados Unidos kon santaon sila sa ilang ginabuhat.

Una niini wa dawata sa gobyerno sa China ang gipagawas nga hukom, wala silay katungod nga angkunon nga ilaha ang giprotestahan nga luna dapit sa South China Sea kon dili sakop kini sa Pilipinas. Wala mibabag ang Ameriica dihang nagsugod pa lang pag-develop ang China tingali tungod kay dako man ang ilang utang ngadto sa mga Intsik.

Kanunay nga ginasaway ang mga produkto sa China nga huyang, dili molungtad kay ubos ang kalidad apan sa natad sa ilang kapasidad nga makiggubat sila ang ginaingon nga "The sleeping giant". Nakita sa taga Davao ang ilang mga barkong igugubat nga hitsas sa mga dekalidad nga armas.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph