USA ka dakong "Battle of the Strongest" national crossfit competition nga gi-organisa sa Crossfit Madayaw kauban ang Visit Davao Summer Festival ipahigayon sa Mayo 26 didto sa Matina Town Square (MTS) activity area.
Kini ang pahayag ni Crossfit Madayaw president Earvin Joshua Go sa Facebook chat sa SunStar Davao.
Suma ni Go, ang second edition dunay 129 partisipante, mas taas ang ihap sa milabay nga tuig nga dunay 72 ka mga partisipante.
"There will be delegates from Korea, China, Thailand and Malaysia," niya pa.
Dugang niya nga niadtong milabay nga tuig ang RX category champions Job Wi ug Joyce Reboton sa Luzon mobalik aron depensahan ang ilang titulo dinhi.
Samtang, ang defending champions nga sila Bern Llanes ug Isabell Wolfe di makatambong apan hatagan sila Wi ug Reboton og bug-at nga challenge sa RX category.
Pahayag pa ni Go nga duna sila'y gidugang nga master's category alang sa 36-anyos pataas nga partisipante.
"Main objective is to promote Davao tourism by hosting a CrossFit competition. The Battle of the Strongest aims to look for the fittest athlete by having the athletes do a series of workouts which involves elements of weightlifting, gymnastics and endurance workouts," batbat niya.
Anaa sa kinatibuk-ang P300,000 ang premyo nga ihatag sa modaug.
Ang lalaki ug babaye nga RX champions hatagan og P50,000 matag usa samtang ang master's category king ug queen mouli og P25,000 matag usa.
Ang modaug sa scaled makakuha og P20,000 matag usa. (ABM)