SUPERBALITA CAGAYAN DE ORO

Arsenals nakaeskapo kontra Tracy

BANGIS nga nikamang ang Arsenals sa kataposang half aron pildehon ang Tracy Bloodlines agi sa 94-93 hingpit nga daug atol sa 1st St. Ignatius de Loyola Summer Basketball League 26-above niadtong Martes sa gabie sa Xavier University Gymnasium.

Nibida si Bonn John Orquiza alang sa opensiba sa Arsenals agi pagpupo og 24 puntos, samtang niabag sab sila Raymond Penalosa ug Jaddo Roa og 14 marka matag usa.

Hinay ang pagsugod sa Arsenals sa first half diin nalat-an sila og 27 puntos bag-o pa man nasirado ang second quarter sa iskor 59-39, labaw sa Tracy.

Apan, napanas kini sa Arsenals sa third quarter ug nabalik ang dula sa senugdanan hangtod nagkadikit ang dula.

Nakakuha pa ang Bloodlines og tulo ka puntos nga labaw sa 3:28 minutos nabilin sa kataposang quarter, 91-88.

Natubag kini ni Orquiza agi sa iyang back-to-back shot aron molabaw og usa sa iskor 92-91.

Nabaslan kini og duha ka charity shots aron mabawi ang labaw sa usa.

Apan, nibayani si Penalosa sa himatyanon nga segundos human gipasulod niya ang iyang jump shot.

Sa nabiling 24 segundos, wala makakita og igong plastar ang Bloodlines para makakuha og shot.

Nipagawas ang Arsenals og hugot nga depensa ug maoy hinungdan nga nakakuha sila og steal u gang pagsilyo sa kadaogan.

Wala masustinar sa Bloodlines ang ilang dakong labaw daan sa first quarter tungod kay nidula sila nga lima ra sila.

Nangulo sab si Jong-Jong Lumactud sa kapildehan sa Arsenal agi sa 29 puntos, samtang nihatag sab sila Ayong Vega ug Ernesto Tagarda og 18 ug 17 puntos, sunod-sunod.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph