GIDAWAT sa Maharlika Pilipinas Basketball League (MPBL) ang Basilan team isip ika 25 nga sakop sa masaaron nga liga sa nasod.
Kini human nga si Basilan governor, Mujiv Hatamam, nakigtagbo sa founder sa MPBL nga si Senator Manny Pacquiao alang sa pormal nilang pagpasakop sa gikagubtan karon nga liga sa nasod.
Ning maong kalambuan, ang Basilan nga magrepresenta sa Autonomous Region of Muslim Mindanao maoy ikalimang expansion team sa MPBL nga gikan sa Visayas ug Mindanao.
Ang laing upat mao ang Davao Occidental Tigers, Zamboanga Valientes, General Santos Warriors ug Casino Active-Cebu City.
Sa Luzon, mokabat na ngadto sa 20 ka mga teams ang kompirmadong mosalmot sa liga human nga napulo ka mga teams ang misalmot.
Ubos sa pagdumala nila ni kanhi PBA stars Kenneth Duremdez ug Zaldy Realubit ang second conference sugdan sa Hunyo 12 ug kini posibling adto ipahigayon sa Mall of Asia. (JBM)