ANG Cebu City Council nitugot kagahapon kang Mayor Tomas Osmeña sa pag-file og kasong libel ug oral defamation batok kang negusyante Jonathan Guardo.

Kini nahitabo duha ka mga semana human si Guardo nipasangil nga ang mga barangay tanod, kinsa gimandoan sa City Hall, nisuway sa pagsanta sa pagpanghatag niyag hinabang sa mga na-sunogan sa brgy. Calam ba niadtong Enero 9.

Click here for stories and updates on the Sinulog 2010 Festival.

Nasuko ang mayor sa alegasyon kay alang kaniya nga naanad na siya sa insulto sa iyang pulitikanhong kaatbang, ang gibuhat ni Guardo usa ka insulto sa Kagamhanan sa Siyudad.

Iyang gimandoan ang City Attorney sa pag-andam sa kaso, nga hayan ipasaka sa pagbiya sa mayor alang sa Estados Unidos unya sa Enero 23 alang sa iyang follow-up check-up.

“Pilde ang pikon. I hope kon tua na ko sa prisohan iya kong du-awon. Hadlok man jud siya nako, iya nalang ko ipapriso. But I hope he will visit me, for old times sake,” matod ni Guardo dihang gipahibaw sa lakang sa konseho.

“But I hope Tomas won’t bring two doctors with him when he visits us, like what he does in his pulong-pulong. Naay kuyog doktor just in case,” siya nidugang.

Si Osmeña nisulti ka-gahapon nga gikinahanglan ang pagtugot sa Konseho sa pagpasaka sa kaso. Pinaagi sa resolusyon nga gipanga-mahanan ni City Councilor Augustus Pe Jr., ang city council nihatag og awtoridad atoll sa regular session.

Matod ni Osmeña nga pinaagi sa complaint iyang gihatagan og kahigayunan si Guardo sa pagmatuod sa iyang alegasyon. (RHM sa Sun.Star Cebu)