SUPERBALITA CAGAYAN DE ORO

Dakong kasing-kasing sa pagtabang

DAKONG ganti na alang sa mga matinabangon ug adunay malumong mga kasing-kasing ang makita nga nagmalipayon ang mga tawo nga nakadawat og mga hinabang.

Usa ang 58 nga Belgian nga si Patrick Haghedooren, taga Ledegem, Belgium, Europe, ug representante sa Hands in Action VZW/Solidarity Southern Leyte, ang nagpamatood niini human nidonar na og pipila ka mga container sa mga hospital amenities sa nagkadaiyang dapit dinhi sa nasud.

Dili kini usa ka milyonaryo apan aduna’y malumong kasing-kasing sa pagtabang sa mga nanginahanglan ilabi na sa mga pampublikong mga ospital aron nga mahatagan matud pa og kaarangan ang mga pasyente ug gani gapamaligya kini sila og mga pagkaon aron pangdugang sa pagbayad matud pa sa pagtransport sa maong mga kagamitan.

“Yeah we do it also. We might going to the people and organizing a small store and we sell it to all in the entrance of a shopping center and we have selling it and we got money we used it to pay the transportation of the containers,” pahayag ni Haghedooren.

Gi-angkon usab niini nga galisod sila sa pag-transport sa mga ekipo ilabi na nga wala kini sila’y foundation ug aduna lamang mga madawatang gagmay nga mga donasiyon gani gahimo matud pa kini sila og mga waffle aron ibaligya ug dugang na usab kini nga tabang.

“We are the one who pay it, we have a hard time and that is the problem to find only the expenses for the transportation. If ever, we would have people who willing to help. We can send about five to six containers a month to the Philippines to help your public hospitals but that is the problem because we don’t have foundation. We only have small donation,” dugang pa ni Haghedooren.

“Like what we are doing is baking waffles that we say, Belgian waffle and sell it to the people and also we do once eatery to get food and then the people will benefit of that and we can send another container," ang pahayag niini.

Mokabat na sa napulo ka mga tuig nga ginahimo nila ni Patrick Haghedooren ug pipila ka mga kauban sa Hands in Action VZW/Solidarity Southern Leyte kining susama niini nga boluntaryong pagtabang.

Giingong kaniadto una kini nga gatabang sa usa ka pari nga naila sa Belgium ug sa dihang nagretiro na ang maong pari, gipadayon niini sa mismong kaugalingon ang maong maayong gimbuhaton.

Anaa na matud pa sa mga 60 ka mga container ang ilang napadala sa nagkadaiyang mga balay tambalanan dinhi sa nasud, dili lamang sa pulo sa Mindanao apan lakip na usab sa pipila ka mga dapit sa Visayas sama sa Cebu, Leyte ug uban pa.

Gidugang pa usab niini nga ang ila lamang nga mga gipanghatagan mao ang mga probinsiyal hospital ug mga pampublikong hospital diin makita nga aduna kini dakong panginahanglanon ug angayan nga tabangan.

“And we only donate to the provincial hospital and the public hospitals. Well, it’s now here. We went already everywhere. It’s about, we sent already 60 containers, to Visayas for example to Samar, to Cebu to Southern Leyte, to Tacloban, to Maasin,” tipik sa pahayag niini.

Samtang nagpasalamaton usab si Dra. Noeme Requilme, chief of hospital sa Wao, Lanao del Sur, kinsa una na nga nakadawat sa mga susama niini nga mga ekipo nga gidonar sa maong institution ilabi na nila ni Haghedooren.

“Dako kaayo og tabang. Dili biya mi makapalit, pila biya nang isa ka bed kung paliton nimo perting mahala pareho ana kadako, kung kami ra maglisod gyud mi og palit, mao na thankful kaayo naila-ila namo si sir Patrick,” ang pasalamatong pahayag ni Requilme.

Makitang dako kaayo ang kasing-kasing ni Haghedooren sa katawhan ilabi na sa mga nagkinahanglan kaayo og tabang, gani bisan usa ka sentimo wala kini sila’y makuha.

“I’m retired, that’s a hobby. We don’t earn one centavo on that, that’s all voluntary, I was working Telephone company,” saysay pa niini.

Naghangyo usab kini nga kung si kinsa man ang aduna’y malumong kasing-kasing usab nga buot nga motabang andam usab kini sila aron nga mas mapalapdan pa ang pagtabang sa mga nanginhanglan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph