DAGHAN ang nakurat sa dihang namahayag ang Bea Alonzo nga single na kini karon.
Karong nadungog gyud nato mismo ni Bea, bisan pa og moingon siya nga technically single, ang ending break-up gihapon ang resulta.
Pero unsa man gyud kaha ang hinungdan nga nagbuwag sila? O dili ba lang kaha kini gimik kay may pelikula man silang ipagawas karong semanaha?
Commitment kaha ang usa sa rason pareho sa titulo sa ilang movie nga “Kasal”? Mao kaha kini ang gilikayan nila kay dili pa sila andam moatubang sa altar sa kaminyoon?
Samtang wala pa nato matugkad kon unsay hinungdan ngano mao man kini ang gidangatan sa relasyong Bea Alonzo ug Gerald Anderson, ato unang tan-awon ang pelikulang hatud sa Star Cinema, nga gibituonan sad nilang Paulo Avelino ug Derek Ramsay sa “Kasal”, ay’g saba!
Unsa man say rason nga nag-breakdown man ang Sarah Geronimo, daghang mga tubag ang mitumaw, kon gikapoy na ba kini? Gusto na bang mo-quit sa showbiz o sa lovelife ba?
Kon unsa man gyud ang tinood nga rason, si Sarah ra gyud ang nasayud. Imposible man usab nga gimik lang kini, kay knowing Sarah wala na siya magkinahanglan og susama ini nga isyu.
Pero ang nahitabo, nahimo kining kontrobersyal samot pa nga may ubang singers ang nakahig sa maong isyu. Sama nilang Angeline Quinto ug Morisette nga dali man usab nilang gihimakak ang maong intriga.
Kasal kaha ang usa sa mga hinungdan aning tanan? Gusto na kahang magpakasal ni Sarah ug Matteo Guidicelli? Ay’g saba!