ANG Museo sa Sugbo sa M.J. Cuenco Ave., dakbayan sa Sugbo nipahigayon sa 73rd Victory Day o V-Day sa Russia niadtong Miyerkules sa gabii.
Labing unang higayon kini nga kasaulogan nga gihimo sa Sugbo ubos sa pagpaningkamot ni Russian Ambassador Igor Anatolyevich Khovaev uban ni Honorary Consul sa Russian Federation Armi Lopez Garcia.
Gisuportahan usab kini nga kasaulogan ni Cebu Governor Hilario Davide III ug mga Russo nga nagnimuyo sa Sugbo.
Nagsugod ang maong selebrasyon sa pagpasa sa busto ni Sir Leo Tolstoy, usa ka Russian writer gikan sa Ambassador sa Russia ngadto kang Davide. Ang maong busto gi-donate sa ni Gregory Pototsky, usa ka Russian artist kinsa naghimo niini.
Nahimotang kini kaniadto sa Cebu International Convention Center apan nahunong naman kini sa pag-operate og karon nagpasalamat ang Russia sa katigayonan nga mahatagan ug laing puy-anan ang maong busto sa museo.
Ang tumong sa maong selebrasyon mao ang handom nga mas malig-on ang relasyon sa Russia ug sa Sugbo.
Si Ambassador Khovaev niasoy sa Superbalita Cebu nga ilang gihimo ang maong kalihokan sa Sugbo aron pagpakita sa ilang pakighiulaga sa mga Sugbuanon.
“I think that this event will be a very good contribution to strengthening of people to give acquaintance because unfortunately, many Filipinos don’t know what I like to be a Russia and vice versa Russians don’t know Philippines. So there is only one way to overcome in this obstacle to intensify people to people context in such events are useful in this respect,” matod ni Ambassador Khovaev sa Superbalita Cebu. (Kate Denolang, STC-Intern)