NAPUPOS na niadtong Dominggo ang gihatag nga tagal nga lima ka adlaw sa pamilya sa dalagita kang Ellen Adarna.
Sanglit wa man gyud moluwat og public apology ang aktres, sa ato pa padayon gyud ang patong-patong nga kaso nga gibahad sa pamilya sa dalagita batok ni Ellen.
Ibutang nato nga tinuod nga “paparazzi” ang maong dalagita, unsa man say makuha ni Ellen nga nibawos man siyag kuha og video sa babaye nga dili man na artista?
What if sa usa ka adlaw, dunay 20 ka tawo ang mokuha nila og picture ug video, iya sad nang baslan og kuha?
Wala may interesado ana nila kay dili man na sila public figure. Ang publiko mas interesado sa artista, labi na kon sama ka kontrobersyal nilang Ellen ug John Lloyd.
As a public figure, they owe it to the public. The public should know kon unsay real score nila. Kon tinuod silang uyab, unsa may problema ana nga pareho man silang single ug naa na sa saktong panuigon?
Kon tinuod silang duna nay anak, dili man na angay tagoon kay it’s a blessing. Akong tambag ni Ellen ug John Lloyd, start to live a normal life, just like any other showbiz couple. Because the more you hide, all the more you make things complicated.
Basin anha ra sila makaamgo kon mahurot na og pull-out ang ilang mga advertiser ug producer tungod sa ilang ka-nega.
Unsa ka luwas?
Nakadawat kog reaksyon sa akong gi-feature nga mga mananap sa Cebu Safari and Adventure Park sa Carmen.
Dunay mga concerned basin kuno overwork ang mga tigre ug kalit magwala ug makabuhi ug unsa kuno ka safe gikan sa visiting public ang maong zoo.
Actually, every two hours ang shifting sa mga tigre. From 8 a.m. to 10 a.m., duha ka tigre ang ipakita sa publiko, human sa duha ka oras pasudlon na to sila sa ilang pribadong lawak, then lain na pud ang mopuli from 10 a.m. to 12 noon, kada duha ka oras, lain-laing tigre ang mo-duty...
Dunay siyam sila ka tigre ug duha niini ang puti. Mao nga daghan silang magpulipuli. Ang mga tigre gisud sa baga nga fiber glass ug dunay mga trainer nga nagbantay kanunay.
Sa mao nga paagi, dili ma-stress ang mga tigre. 20 years in the making kuno ang maong zoo aron pagsiguro nga luwas gyud ni sa publiko..