“MHAI, pag-Top 1 jud ha,” mao kini ang labing uwahi nga hangyo sa lola ni Christianne Mae Balili sa wa pa mamatay, pipila ka mga adlaw sa wa pa siya mokuha sa bar exams.
Ang 32-anyos nga karon usa na ka manlalaban mao ang top 2 sa labing uwahi nga resulta sa bar exam niadtong buwan sa Abril.
Si Balili kinsa nigradwar sa University of San Carlos sa kursong abogasya, kasamtangan nga nagpuyo karon sa dakbayan sa Sugbo apan lumad sa Labason, Zamboanga del Norte.
Halad ni Balili, kinsa usa usab ka Certified Public Accountant (CPA), ang iyang pag-top ngadto sa iyang lola nga si Nellie Cabading, kinsa namatay sa pangedaron nga 86-anyos.
“She was a very strong woman with strong opinions and views. She was very supportive in our activities, and was very proud of her children’s and grandchildren’s accomplishments,” si Balili kinsa nahinabi sa Superbalita Cebu.
Usa sa inspirasyon ni Christianne Mae sa pag-abogasya mao ang iyang igsuong lalake nga si Atty. Neil Aaron.
Dugang niini nga nakita niya nga dili lang maayo ang iyang igsuon sa maong propesyon, apan nalingaw usab kini, “That’s what I see in my brother. He is really good at his craft, very passionate about it, and at the same time he enjoys it so much.”
Usa sa buhaton ni Christianne aron mahimo niini iyang mga bulohaton sa adlaw-adlaw mao ang paghimo og listahan niini diin iya kining checkan sa panahon nga mahuman na kini.
Dugang niya nga importante nga i-prioritize kadtong mga bug-at ug lisod nga tahas aron aduna pa kini’y taas nga oras alang sa nahabilin nga oras sa adlaw.
“I also check on my “stars” from time to time. My family and loved ones, friends, and all those people who believe in me, are my stars. Whenever the burden (in work and school) becomes too heavy, I just look up to my stars,” si Balili nagkanayon.
Sa pagkakaron, usa ka Junior Associate sa Angara, Abella, Concepcion, Regala & Cruz (ACCRALAW) si Christianne.
Nigradwar siya nga Valedictorian sa High School sa St. Mary’s Academy in Labason, Zamboanga del Norte; ug Magna cum Laude sa BS-Accountancy sa Mindanao State University - Iligan Institute of Technology sa Iligan City.
Upat ka tuig usab siya nga nitrabaho sa Sycip Gorres Velayo (SGV&Co.) sa dakbayan sa Sugbo human siya makapasar sa CPA licensure exam.
Gihulagway hinuon niini nga malipayon siya sa iyang kasamtangan nga firm nga iyang gitrabahoan.
“I want to become the best lawyer that I can be, so that I will be best able to render help. I want to contribute. I want to make things happen. I want to provide solutions. A life relevant to others is my ultimate goal.”