NAGMALINAWON sa kinatibuk-an ang piniliay sa Barangay and Sangguniang Kabataan (SK) Elections sa tibuok Davao Region adlaw’ng Lunes, Mayo 14.
Kini ang gibutyag ni Police Regional Office (PRO)-Davao Region director Chief Superintendent Manuel Gaerlan samtang nagpadayon ang iniphapay sa mga balota Lunes sa hapon nga gi-monitor sa Regional Election Monitoring and Action Center (Remac) sa Camp Quintin Merecido, Catitipan, Davao City.
"Thank God na wala talagang mga malalaking pangyayari, maliban nalang sa mga area na may konting girian, at may konting komosyon, pero na-settle naman, no untoward incident talaga," ingon ni Gaerlan nga nahinabi sa mga tigbalita.
Sa Davao City Police Office (DCPO) hugot ang ilang pagbantay sa Barangay 23-C human gikonsidera kining anaa ubos sa Election Watchlist Areas (EWAs) labi na kay dunay natala nga election-related violence Sabado sa gabii.
Sa Barangay 34-D Lunes, nagkakomosyon dihang mipalag ang pikas kampo sa nagpapili pagka-kapitan human sa alegasyon sa pikas kampo nga dunay mga flying voters, apan dihang miabot ang kapulisan sa DCPO gilayong mikalma ang matag kampo.
Napakalma sab sa Buhangin Police Station ang giingong dunay usa sab ka barangay sa Buhangin District ang nagkakomosyon.
Ala 10:30 sa buntag natigayon sab ang komosyon sa Barangay Tanglaw, Braulio E. Dujali, Davao del Norte diin gilayong gipangdala ang mga nalambigit sa kasamok didto sa Dujali Municipal Police Station.
"It ensures the safety and security to excercise everyone's right of suffrage," dugang niya. (Jeepy P. Compio)