SECTIONS
Friday August 17, 2018
SUPERBALITA CAGAYAN DE ORO

Lalaki nagmotorsiklo nipasok sa tricab

NAKABSAN sa hinulamang kinabuhi ang usa ka lalaki human nga nibangga ang gimaneho nga motorsiklo sa tricab sa Zone-1, Kalabaylabay, El Salvador City.

Patay si Alvin Oco, taga Bolisong, El Salvador City kinsa nagmaneho sa pula nga Kawasaki nga motorsiklo.

Sa nahipos nga impormasiyon, gikabutyag nga gikan sa Bolisong ang biktima kung diin kini nagpuyo apan pag-abot sa Zone-1, Kalabaylabay, dakbayan sa El Salvador, nasugat niini ang tricab nga aduna’y mga pasahero.

Giingong napasok ang mismong motorsiklo niini sa maong pasaheroan nga sakyanan hinungdan sa aksidente.

Gisulayan pa kini sa pag-luwas pinaagi na usab sa pagdala sa tambalanan apan wala na matud pa kini nakaabot sa ospital ug nakabsan na sa kinabuhi.

Nakaangkon ang biktima og nagkadaiyang samad sa kalawasan gumikan sa kakusog sa maong pagkabangga hinungdan na usab sa hinanaling kamatayon niini.

Karong panahona ang maong patay nga lawas ang kasamtang gi-atiman na sa nahabiling pamilya.


VIEW COMMENTS