SECTIONS
Thursday August 16, 2018
SUPERBALITA DAVAO

Bugnong lugaynon sa Digos City hapsay

DIGOS CITY -- Nahimong hapsay ug malinawon ang pagpahigayon sa Barangay ug Sangguniang Kabataan (SK) elections ang tanang lugar sa dakbayan.

Apan daghan sa mga botante ang mireklamo human wa makatuod sa ilang presinto. Samtang ang mga senior citizens mireklamo usab sanglit anaa sa second floor sa ubang tunghaan gitakda silang moboto.

Sayo pa lamang sa buntag niadtong Lunes, Mayo 14, milinya na sa Remegios Saplala Elementary School sa Barangay Matti ang mga botante aron makauna sa pagboto.

Usa kanila ang person with disability (PWD) nga si Silverio, 61, kinsa nagkanayon nga mas maayo’ng sayo aron dili pa magpunsisok ang tawo.

Nasayran nga luyo sa hapsay ug malinawong piliay mialma ang mga senior citizens nga miboto sa Digos City National High School sanglit mosaka pa sila sa hagdanan sa second floor sa tunghaan.

Adunay mga nag-wheel chair ug nagsungkod tungod sa arthritis sama kang Lola Benita, 65, nga naglisud pagsaka sa hagdanan tungod sa gipamati sa lawas.

Misamot sab ang kalbaryo sa ubang botante dihang natagbaw pa sila og pangita sa ilang presinto kay wa didto ang ilang ngalan.

Usa si Joel Catalan nga nalimtan ang iyang precinct number mao nga gipaningot kini sa pagpangita sa iyang ngalan.

Sa kinatibuk-an, gideklara ni Superintendent Deozar Almasa, hepe sa Digos City Police Office ang piliay sa dakbayan bisan og dunay pipila ka mga barangay ang gideklarang areas of concern.

Dako sab ang pasalamat sa kapulisan sa ilang mga counterparts sama sa 39th Infantry Battalion nga mitabang sa hugot nga pagbantay sa seguridad sa 26 ka mga barangay sa dakbayan. (Orlando B. Dinoy)


VIEW COMMENTS