NATABLA sa Houston Rockets ang siryi ngadto sa 1-1 human gilat-an nila ang defending champion Golden State Warriors, 127-105, atol sa Game 2 sa ilang NBA best-of-seven western conference final Huwebes sa Toyota Center, Houston.
Nibida sila James Harden ug Eric Gordona alang sa Rockets nga parehas nihatag og 27 puntos matag usa.
Nihatag sab sila P.J. Tucker og career high nga 22, samtang niabag sab si Trevor Ariza og 19.
Hinay ang pagsugod sa Rockets sa first quarter, apan hinayhinay og kalayo ang ilang opensiba ug niinat og distansyang labaw.
Wala man hinuon napugngan sa Houston si Golden State Warriors forward Kevin Durant, kinsa nipupo og 38 puntos.
Apan, nalimitahan nila si Durant sa three-point arc diin nitala lang siya og tulo sa 12 niya ka tira.