SUPERBALITA CAGAYAN DE ORO

Moreno sa PNG delegates: Best of luck!

MIHATAG og dakong pagsalig ug panghinaut si Cagayan de Oro City Mayor Oscar Moreno alang sa 77 ka pambato sa dakbayan alang sa umaabot nga 2018 Philippine National Games (PNG) karong Mayo 19 hangtod 25 sa dakbayan sa Sugbo.

Gibutyag kini ni Moreno niadtong nagpatawag siya og usa ka send-off dinner alang sa mga atleta ug coaches adtong Martes sa gabie sa Rosario Pavillion, Limketkai Complex.

β€œI wish all of you best of luck,” butyag ni Moreno sa tanan delegasyon sa Team CdeO.

Mobandera ang boxing team sa dakbayan sanglit kanunay kining naghatag og dungog labina sa Amateur Boxing Mindanao Championships ug sa bag-o lang nahuman nga Palarong Pambansa.

β€œIn deed, dako kaayo ang panglantaw ni Mayor sa atong boxing team kay sige dala og dungog,” matod ni Rocky Calingin, ang overseer sa City Sports.

Dako sab ang kompyansa ni Calingin sa boxing team tungod kay mao ra ni ang adunay konkreto nga progama nga gisuportaan sa administrasyon ni Moreno.

Nakomposar ang boxing team nila Sheera Jacinto, Mark Lumbab, Marvin Dannel, John Paul Panuayan, Sugar Rey Ocana, James Ian Pangga, ug Jordge Nuez.

Na sab sila Iema Baja, Elaide Pamisa, Mark Lester Durens, John Ignatius Macas, Wesley Caga ug ang kanhi Palarong Pambansa gold medalist Marvin Tabamo.

Gawas sa boxing, nagpadala sab si Moreno og pambato sa athletics, chess, karatedo, swimming, table tennis ug volleyball.

Walay nadala sa taekwondo human nga mibalibad kini tungod kay wala makapangandam.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph