SECTIONS
Wednesday July 18, 2018
SUPERBALITA CEBU

Medical student gipatay; uyab suspek?

NAKAPLAGANG patay ang usa ka babayeng medical student sulod sa iyang boarding house sa Sitio Cypa, V. Rama-Englis, Barangay Guadalupe, Sugbo niadtong Mayo 15.

Ang kapulisan mopatawag sa uyab aron maimbestigar.

Ang biktima giilang mao si Amy Therese G. Cabatana, 28, registered nurse, medical student sa Matias H. Aznar Memorial (MHAM) College of Medicine, lumad sa Luay, Bohol.

Base sa inisyal nga imbestigasyon sa kapulisan, sa wa pa makaplagi ang lawas ni Cabatana, pipila niya ka mga classmate ang nisulay og kontak kaniya, apan di na makontak.

Matod ni SPO3 Rommel Bancog, imbestigador sa Homicide Section sa Cebu City Police Office, lider sa ilang grupo si Cabatana.

“Na diskubre man siya tungod sa iyang mga classmates. Kay supposed to be naa silay case study sayos’ buntag siya may team leader. Di man kareport ang grupo mao tong na-worry na sila asa kay kinahanglanon kay graduating man to,” matod ni Bangcog.

Giadto sa classmates ni Cabatana ang gipuy-an aron mahibaw-an kon asa na siya.

Nanuktok sila kuyog ang land lady sa boarding house apan way nitubag.

Nipagawas og spare key ang land lady ug giablihan ang kwarto sa biktima. Didto nakita nila nga naglunang sa dugo ang lawas ni Cabatana.

Daling nihimo og cardiopulmonary resuscitation (CPR) apan patay na kini. (Treshea Mae Phrea Y. De Pio- STC Intern)


VIEW COMMENTS