PITO ka mga minor de edad ang gipangsikop sa kapolisan human giakusahan nga milugos sa 9 anyos nga batang babaye niadtong Domingo sa gabii sa Barangay Carmen ning siyudad.
Ang pito ka mga batan-on nagpangidaron sa 11, 13, 14 ug 15 anyos nga pulos mga molupyo sa zone 8, Landfill, Zayas, Barangay Carmen.
Si Senior Police Officer 1 Fernando Laspoña, sa Carmen Police Station nagkanayon nga temporaryong gikustodiya sa Tahanan ng Kabataan ang suspetsadong mga batan-on.
Sa inisyal nga imbestigasyon sa kapolisan, nasayran nga Martes na sa hapon nitaho sa ilang buhatan ang biktima uban sa iyang igsuon kalabot sa hitabo.
Ang igsuon sa biktima nisulti sa polis nga Martes na sa hapon nisulti ang ilang igsuon sa nahitabo kaniya hinungdan nga nagpahigayon og manhunt operation ang kapolisan pagkagabii hinungdan sa pagkasikop sa mga suspetsado sa tagsa-tagsa nila ka panimalay.
Samtang positibo nga nahilabtan ang 9 nga babaye basi sa resulta sa medical examination nagkadaiyang hugaw sa lalaki ang nakuha gikan sa kinatawo niini.
Kasong pagpanglugos ang gipasaka sa kapolisan batok sa pito ka mga batan-on apan ang piskaliya ra ang maghukom kung mapasaka ba kini labina nga pulos mga minor de edad ang mga akusado.
"Basin ang 15 anyos ra ang mapasakahan kay wala pa gyuy mga buot ang uban, nagngisi ra man gani dihang gipangutana," pamahayag ni Laspo¤a sa Sun.Star Cagayan.
Gikustodiya na usab sa Department of Social Welfare and Development ang 9 anyos nga babaye.