BOLUNTARYO nga mitahan sa Police Station 7 (PS7) sa Bulua ang drayber nga nakaligis sa ulitawo niadtong milabay nga adlaw sa Zone-6, Barangay Bulua, dakbayan sa Cagayan de Oro.
Nakabsan sa hinulamang kinabuhi ang si Joven Balacquit, 34, residente sa Lyra street, Terry Hills Subdivision, Barangay Bulua human nga nabanggaan sa drayber nga si Jerry Enterina, 55, minyo nga taga Simpak, Lala, Lanao del Norte.
Sa nahipos nga impormasiyon gikan sa kapulisan sa PS7 sa Bulua, gikabutyag nga boluntaryo nga mitahan si Enterina human nasayran nga anaa sa talandugon nga kahimtang ang biktima atol sa maong aksidente.
Nasayran nga samtang nagbaklay ang biktima patabok sa national highway sa maong dapit aksidente kining nabanggaan sa Suzuki APV nga nagdala sa plaka nga #ADA 5480 diin paingon kini sa westing bahin sa maong dapit.
Dali pa nga gidala sa Northern Mindanao Medical Center ang biktima sa Oro rescue team apan pipila ka mga oras wala’y swerteng nabawi-an kini sa hinulamang kinabuhi.
Ang maong drayber ang anaa sa Maharlika detention cell human kini mitahan sa mga otoridad.