KULBAHINAM nga kombati maoy panglantaw ni Brian Viloria sa dihang iyang depensaan ang International Boxing Federation (IBF) light flyweight title batok sa Colombian nga si Carlos Tamara sa “Collision Course” ugmang adlawa sa Cuneta Astrodome sa Pasay City.

“I expect a really tough match come the 23rd of January. I’m not overlooking this guy. This guy’s a lot taller than I am, with a longer reach. So he’s going to possess a lot of obstacles that I need to overcome that night,” matod ni Viloria. “He has a lot of experience, also, as an amateur fighter… So I expect a good veteran coming out of this fight,” added Viloria, who described Tamara as “very durable.”

Click here for stories and updates on the Sinulog 2010 Festival.

Ang Filipino-American nga Viloria mosaka sa ring nga may 26 ka daog, 15 ka knockouts, duha ka pildi ug duha ka no contests samtang ang kanhi Olympian nga Tamara may 20-4 nga baraha, apil na niini ang 14 ka knockouts.

Sa press conference sa Manila Hotel sa niaging adlaw, si Tamara, pinaagi sa interpreter, mipabuhagay usab nga nagpanikad gyud siya nga malangkat ang IBF title. Ingon pa niya nga kadaghan na usab siya makaaway sa ubang nasod.

Laing Pinoy ang moaway usab sa maong promotion, Si Donnie “Ahas” Nietes makigsinukliay usab sa iyang kumo batok ni Jesus Sylvestre sa Mexico nga may 15-1, 12 KOs sa usa ka non-title fight.

Si Nietes (25-1-1, 14 KOs) maoy kasamtangang World Boxing Organization (WBO) minimum weight champion apan ang iyang away ugma dili title bout human ang iyang orihinal nga kaatbang nga si Ivan Meneses kalit nga mi-backed out.

Matod ni ALA Promotions president Michael Aldeguer sa dihang giinterview sa Sun.Star Cebu.

Ang laing Ala Boy nga si Jason Pagara (20-1, 10 KOs) mopakita usab og aksiyon batok sa taga Indonesia nga si Eddy Comaro (22-6-5).

Ang comebacking nga si Jimrex Jaca (28-6-3, 13 KOs) mosakbang ni Ramadhan Weiru (13-2-1, 12 KOs). Ang “Collision Course” boxing promotion mosugod sa alas 9 sa buntag.