SUPERBALITA CAGAYAN DE ORO

Team CdeO netters nagkalayo

CEBU CITY -- Kusog ang pagsugod sa table tennis team sa Cagayan de Oro atol sa unang adlaw nga aksyon sa 2018 Philippine National Games (PNG) niadtong Domingo sa Robinsons Galleria.

Abante na ang duha ka pambatong lalaki sa table tennis ngadto sa top-16 human mangharus sa ilang kadaiyang bracket.

Ang batan-ong si Vincent Dane Macalam mao ang unang niabante sa top-16 human gipilde niya sila Mark Lopez sa La Union, 3-0, ug Charbell Togabe sa Koronadal City, 3-1.

Apil sab ang beteranong si Dario Hernane nga nakasulod sa top-16 human wala niya tagae og set ang iyang mga kaatbang nga sila Ken Andrei Oblina sa Makati, 3-0, ug Rey Tano sa Zamboanga del Norte, 3-0.

Mao sab sa pambatong babae sa Cagayan de Oro diin abante sila sa top-32.

Gidominar ni Antonnette Neri ang iyang bracket aron moabante sa sunod nga round human giparot niya sila Aika Angela Ubando sa Zamboanga City, 3-1, ug Erica Maeb Salera sa Talisay, Cebu, 3-0.

Usa pa ka Kagayanon ang nisulod nga mao si Casandra Nicole Baltar human gipukan niya sila Romelyn Paquiaoa sa Bohol Province, 3-0 ug Issa Lee Barlo sa Davao City, 3-2.

“Niaway gyud ang table tennis nato ug magarbohon ako sa ilang nagkalayo nga pagsugod,” ingon ni Jaymar Rivera, kinsa ang City Sports coordinator.

Kamulo pa sila nagdula Lunes sa ning pagsulat.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph