SUPERBALITA CAGAYAN DE ORO

Team CdeO nikapmit og 3 golds, 1 silver ug 2 bronze

CAGAYAN DE ORO. Gitipukan sa coaching staff ang gold medalist nga sila Sheinne Sanchez ug Clint Nino Neri (pulos naa sa tunga) human manghawod sa 2018 PNG athletics kagahapon sa Abellana Sports Complex. Duyog kanila gikan wala paingon tuo mao sila Vincent del Puerto, coach Ellenita Agbalog, City Sports coordinator Jaymar Rivera ug Dhonie Agbalog. (Jaime A. Frias II)

CEBU CITY -- Nibida ang athletics team sa Cagayan de Oro sa unang duha ka adlaw nga aksyon sa nagpadayon nga 2018 Philippine National Games (PNG) sa Abellana Sports Complex.

Nakapmit ni Erwin Mancao ang unang gold sa dakbayan human midaug sa 5,000 meters run youth boys, samtang niangkon og silver si Lexmar Cupin sa discus throw youth boys ug bronze kang Kent Vincent Unson sa discus throw junior boys sa unang adlaw nga aksyon.

Napun-an pa og duha ka gold sa athletics ug usa ka bronze sa swimming atol sa ikaduhang adlaw sa pagtala sa mga medalya sa alas-nuwebe sa buntag Lunes.

Parehas bag-o sa PNG, naka-gold sila Clint Nino Neri ug Sheinne Sanchez sa ilang kadaiyang event.

Taas ang naabtan ni Neri, usa ka estudyante sa Cugman National High School, ug nirekord og 6.60 meters aron angkonon ang gold sa long jump youth boys, samtang nagsunod kaniya nga taga-Davao nga naa lang sa 6.47 meters.

Bagohay lang, nagka-silver si Neri sa triple long jump secondary boys atol sa Palarong Pambansa didto sa Vigan, Ilocus Sur.

Diha siya nadiskobre sa mga national coaches ug gidawat ni Neri ang offer nga mahimong usa ka junior Bulldog diin didto siya magpadayon sa grade 11 sa National University didto sa Manila.

Ni-gold si Sanchez sa shot put junior girls human nilabaw taas og 10.15 meters ug ligas lang og 10 inches kontra sa pambato sa Pagadian City.

Admitar ang 19-anyos nga Sanchez, usa ka estudyante sa Pilgrim Christian College, nga mao ni iyang pinaka kusog nga gipakita komparar sa iyang narekord sa Palarong Pambansa 2017 didto sa Antique.

Matod niya nga niposti lang siya og 9.95 meters diin ika-upat lang siya anang tungora ug nalabwan ni Sanchez karon.

Nikuha sab og bronze si Jose Marie Nave, garbo sa Barangay Macasandig, human milanding sa ika-tulo nga pwesto sa 200 meters backstroke men’s open division.

Ligas lang ang biya diin gidominar sa magsuong Kevin Troy ug Lean Ysidore Dagum sa Koronadal City.

Nioras si Kevin Troy og 2:21.48 (minute/second/millisecond), samtang si Lean Ysidore naa sa 2:21.75. Si Nave nihuman sa 2:22.03.

“Didto nalangan si Nave sa summer salt or turn kay didto siya mabayaan,” ingon sa iyang coach nga si Eduard Maut.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph