Osmeña mihimakak nga pag-umangkon gisyagitan

GIHIMAKAK ni Cebu City Mayor Tomas Osmeña nga iyang gisiyagitan nga pagawson sa Waterfront Cebu City Hotel ang iyang pag-umangkon nga si Konsehal Renato “Junjun” Osmeña human sa private dinner nga gipasiugdahan ni Presidente Rodrigo Duterte.

Ang mayor nagkanayon igo ra siyang niingon nga dili siya gustong makakita ni Junjun human kini nipabor sa pagsalikway sa P18 bilyones nga development sa Kawit island nga iyang giduso.

“ I did not shout at him. I just said ‘You stay away.’ You consider that shouting? I don’t like his smell. He’s full of shit. I don’t care what his reaction is,” padayag ni Osmeña.

Apan si Junjun detalyado nga niasoy sa nahitabo sa lobby sa hotel diin iyang gihulagway nga grabe kasuko ang nawong sa mayor dihang giingnan siya og “Get out!”

“Pag-abot nako didto (lobby), nagsugat gyud mi. Padung siya gawas para CR, sugat mi. Pagsugat namo, ang-ang moatras ko. Niana ko, ‘Good evening, Tito.’ Pero ingon siya, ‘Get out.’ Karon pa ko kita ingon ana siya kasuko,” paghulagway ni Junjun diin daghan ang mga tawo nga nakadungog.

“Ayaw pag-ingon ana kay dili man ni imong hotel. Pagsiyagit niya, niduol gud dayon ang iyang bodyguard. Naghuwat lang ko nga ipadaplin ko sa bodyguard. Wa man sad. Dili man ni imong hotel,” dugang ni Junjun, igsuon ni kanhi konsehal Richard Osmeña kinsa regional director na karon sa Land Transportation Franchising and Regulatory (LTFRB) VI.

Okay ra

Wa ikasakit ni Gobernador Hilario Davide III ang wa niya pagkalakip sa lista sa mga opisyal sa Sugbo nga giimbitar og panihapon sa presidente.

Matod sa gobernador, bugtong mga mayor ug bise mayor lang ang gidapit sa kalihukan, diin ang Office for the Presidential Assistant for the Visayas maoy nagpahimutang.

Sa wa pa ang tigom ni Duterte uban ang mga mayor, una na hinuon silang nagkita ni Davide sa pagbukas sa Philippine National Games sa Cebu City Sports Center. Si Bise Gobernador Agnes Magpale gikatagbo sab sa Presidente dihang gisubhan ang Alegria oilfield, Sabado sa buntag.

Gawas kang Davide, dunay tulo ka mga mayor nga giingong wa giimbitar sa panihapon. Kini mao silang si Osmeña, Ronda Mayor Mariano Blanco ug Daanbantayan Mayor Vicente Loot.

Si Osmeña niingon nga wa siya gidapit sa mao nga tigom, apan niadto siya sa hotel aron makigkita og higala.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph