SECTIONS
Monday August 20, 2018
SUPERBALITA CEBU

Warriors nasuko; Rockets gipatugpa

Nabalikan na. Nagselebrar ang guard sa Golden State Warriors nga si Stephen Curry (30) human kini nakapabuto og tres sa second half sa Game 3 Western Conference Finals sa NBA batok sa Houston Rockets kagahapon. Si Curry human sa bati nga performance sa Game 2, daw sa nauli-an na sa iyang dinuwaan ug gipangulohan ang Warriors ngadto sa makabungog nga kadaugan. (AP)

NAULIAN sa iyang maayong pamulso si Stephen Curry ug nagbangis kini sa 3rd quarter aron agakon ang host Golden State Warriors sa dakong kadaugan batok sa Houston Rockets, 126-85, kagahapon sa Game 3 sa Western Conference finals series sa National Basketball Association (NBA).

Ang kanhi two-time MVP nagpakatap og 35 puntos nga gibuwakan og lima ka three-point shots aron ihatag pagbalik sa defending champions ang bintaha sa best-of-seven series, 2-1.

Sa 3rd quarter, mirehistro si Curry og 18 puntos sa perpektong 7-of-7 shooting.

Adunay higayon nga nakasinggit si Curry og “This is my ... house!” human siya nakamugna og puntos sa 3rd quarter. Minglanog ang abiba sa mga dumadapig sa Warriors niadtong higayuna.

“There’s obviously that anticipation when you come in transition and you find an open look and there’s a collective hush in the crowd, especially in this building,” matod ni Curry.

“It’s a cool moment. I was searching for it in the first half. I had plenty of opportunities, I just couldn’t knock it down. Third quarter it opened up. I’ve been doing it for a while. I won’t let two tough games shooting keep me frustrated.”

Ang 41 puntos nga kadaugan maoy labing dakong nahimo sa Warriors sa playoffs sa kasaysayan sa ilang prankisa diin nalabwan niini ang 84-46 nga kadaugan sa Philadelphia Warriors batok sa St. Louis Bombers niadtong Abril 6, 1948.

Si Kevin Durant nidugang og 25 puntos alang sa Warriors, nidugang og 17 rebounds ug 10 puntos si Draymond Green samtang nitampo og 13 puntos si Klay Thompson.

Nakarehistro sab ang Warriors og rekord sa NBA sa labing taas nga sunodsunod nga homecourt nga kadaugan diin nakaabot na sila og 16.

Ilang nabuak ang kanhi rekord niini nga 15 nga namugna sa Chicago Bull sa panahon ni basketball legend Michael Jordan nga nagsugod niadtong Abril 27, 1990 hangtod May 21, 1991.

“We’re in the middle of a hell of a run, obviously,” matod ni Warriors coach Steve Kerr.

“I’ve seen those explosions happen everywhere, not just here,” matod ni Green kabahin sa gipakitang duwa ni Curry.

“His 3 is similar to some people’s dunk. You go to certain arenas and a guy gets a dunk it’s just absurd. That’s how his 3 ball is. ... Don’t mean to disappoint, but I’ve seen crazier from him.”

Ang Rockets gipangulohan ni James Harden pinaagi sa iyang 20 puntos samtang niamot og 13 puntos matag usa sila si Chris Paul ug Clint Capela. (AP, ESL)


VIEW COMMENTS