SUPERBALITA CAGAYAN DE ORO

Team CdeO lima ka golds na

CEBU. Abante na ang Team CdeO men's volleyball sa quarterfinal atol sa nagpadayon nga 2018 Philippine National Games volleyball didto University of San Carlos main campus gym. Anaa sa Cebu Province ug Davao City ang ilang maagbat. (Jaime A. Frias II)

Cebu City -- Niangkon na ang Cagayan de Oro og lima ka gold, upat ka silver ug siyam ka bronze medals atol sa nagpadayon nga 2018 Philippine National Games Miyerkules sa Abellana Sports Center.

Gikan sa tulo ka gold, nidugang sila Clint Nino Neri ug ang swimming team og tagsa ka bulawan.

Ikaduha na kini nga gold alang kang Neri, kinsa ang tropiyo nga long jumper sa Cugman National High School, human gidominar niya ang youth men triple long jump sa dulom hapon niadtong Martes.

Iyang nahawod ang maong event agi pagkab-ot og 13.94 meters, samtang ang hingpit nagsunod kaniya nitunob og 13.50 meters.

Naangkon ni Neri ang unang bulawan agi pagdaug sa youth men long jump niadtong Lunes.

Samtang, naangkon sa swimming team ang kamao-mao nga gold pagtapos sa swimming event kagahapon.

Nahuman nga first place ang women’s swimming team, diin gikomposar nila Tanya Barero, Kasmia Sogoc, Stephanie Asil ug Lydel Puklawan, sa 4x100 women’s relay freestyle.

Nakakuha pa sila og silver kagahapon sa 4x50 women’s medley relay, samtang nakakuha pa si Jose Marie Nave og silver sa 200 meters men’s freestyle.

Nakakuha pa ang athletics team og usa pa ka silver gikan kang Lexmar Cupin sa youth men javelin throw.

Mao sab ang ikaduhang silver ni Cupin diin ang una gikan sa youth men discus throw niadtong Domingo.

Nikuha pa si Nave og bronze sa 50 meters fresstyle, samtang nihatag sab og duha ka bronze si Asil sa 50 meters ug 200 meters women’s freestyle.

Naa sab usa pa ka bronze kang Sarah Catacutan sa senior women’s triple long jump.

Tanan-tanan, nikuha ang Team CdeO og duha ka gold, tulo ka silver ug upat ka bronze gikan sa kataposang ihap sa pagtaho niining mantalaan kagahapon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph