Hukom sa MPBL wala mausab

TALIWALA sa daghang mga pagsaway sa social media, gibarugan ni Maharlika Pilipinas Basketball League (MPBL) commissioner Kenneth Duremdes ang iyang desisyon nga limitahan lang og tagsa ka Fil-foreigner nga dili molapas og 6’4” ang gitas-on ang ilang matag miyembrong team.

“Ang bottomline here is yung guidelines ng MPBL stays,” pagtino ni Duremdes sa interbyu sa Spin.ph.

“Kung may naaapektuhang mga players, we’re very sorry. But in every league or tournament, may kanya-kanya naman talagang guildelines and rules, so yun yung ginawa ni MPBL.”

Ang implementasyon ning maong balaod gipatuman human gikuha sa expansion team Mandaluyong El Tigre ang duha ka Fil-Ams nga sila si Ray Parks Jr. ug Lawrence Domingo, nga parehong sakop sa San Miguel Alab Pilipinas.

Hinuon gipasabot ni Duremdes nga wala niya hingpit nga isirado ang pultahan sa liga alang sa mga Fil-foreigners.

“I’m very sorry for those players na naapektuhan na alam natin ang feeling. Ako, player din, but sa ngayon lang naman yan eh,” pasabot ni Duremdes, kinsa kanhi MVP sa Philippine Basketball Association (PBA).

“Hindi naman natin sinasabi na totally wala talaga sila and hindi pwede. In the future, kung yung liga natin maging stable (baka may pagbabago).”

Gihimong ehemplo ni Duremdes ang PBA kaniadto nga nag-limit lang og 6’2” ang gitas-on sa ilang mga import.

“Ngayon, lumalaki na yung mga player ng pro league, lumalaki na rin yung height ceiling ng imports,” dugang ni Duremdes.

Alang kang Duremdes nga ang pagdawat og usa ka Fil-foreigner matag team ning puntoha sa liga usa na ka makiangayon nga lakang. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph