Cebu City -- Niabante ang Cagayan de Oro City volleybelles ngadto sa semifinal atol sa 2018 Philippine National Games women’s indoor volleyball niadtong Miyerkules sa University of San Carlos main campus volleyball gym.
Kini human gihawod sa CdeO volleyballs ang bracket one nga walay tatsa sulod sa tulo ka round.
Ilang kataposang kaatbang mao ang Pagadian City agi sa 3-1 sets. Ila usab gipildi ang Bayawanan ug Zamboanga City sa niaging mga dula.
Nakuha sa Team CdeO ang Makati City sa crossover round semifinal kagahapon sa ning pagsulat.
Samtang napilde ang ilang kaubang lalaki kontra sa Cebu Province sulod sa two sets, 20-25, 19-25.
Nag-abot sila sa hingpit nga panagsangka sa tanan sets apan ang mga quick spikes sa Cebu Province maoy nakapadala nila og tigaw sa dula.
Matag dikit sa CdeO spikers, gaputlon sa Cebu Province ang momentum agi sa mga quick attackers nila.
Mag-positioning nalang ang CdeO alang sa ika-lima o ika-unom nga dapit.