Ika-lima nga gold sa Oro wala maapil

NAGTUO si Cagayan de Oro City swimming coach Edgardo Maut nga nihatag iyang women’s relay team og gold niadtong Miyerkules sa nagpadayon nga 2018 Philippine National Games sa Abellana Sports Center poolside sa dakbayan sa Sugbo.

Nagtuo ang team nga mao na kini ang ika-lima ka gold alang sa Team Cdeo ang pagdaug sa women’s swimming team nga gilangkoban nila Tanya Barero, Kasmia Sogoc, Stephanie Asil ug Lydel Puklawan, sa 4x100 women’s relay freestyle niadtong Miyerkules sa buntag.

Apan sa medal tally nga gipagawas sa alas-4:30 sa hapon nianang adlawa, wala mitumaw ang ika-lima.

Naa sa upat ka gold, upat ka silver ug siyam ka bronze ang Cagayan de Oro sa gipagawas nga official medal count.

Ulahi na alang kang Maut ang pag eksplikar sa technical official nga wala giapil ang kadaogan sa iyang women’s team sa 4x100 relay.

Basi sa ground rules, dili maapil sa medal count ang partisipante kung duha lang sila.

Nakit-an nga duha lang ka team entry sa 4x100 relay freestyle ang nahatag sa Team CdeO hinungdan nga wala kini ma-qualify sa medal count.

“Ulahi na ilang abiso sa akoa ug naka-langoy na ang mga swimmers nato. Nabuhong lang ko kalit nga walay labot sa medal count,” matod ni Maut.

Dugang ni Maut nga wala nalang unta padayona sa organizer ang team niini sa paglayong sanglit nasayang lang ang hinagoan sa swimmers.

Konswelo nalang sa iyang swimmers nga tagaan gihapon sila og gold apan dili lang maapil sa medal count.

Sa bag-ong gipagawas nga medal count anang adlawa, nangulo ang host Cebu City 26 golds, 39 silvers ug 37 bronzes.

Naa sa ikaduha ang Mandaluyong City nga anaay 20 golds, 10 silvers ug 10 bronzes, samtang naa sa ika-tulo ang Baguio City sa 16-25-23 (gold-silver-bronze).

General Santos City naa sa ika-upat (15-18-22), samtang naa sa ika-lima ang Mandaue City (12-6-7).

Gikan sa ika-unom paingon sa ika-napulo, sunod-sunod, mao ang Zamboanga City (12-4-8), Leyte Province (11-5-2), Pangasinan (8-8-6), Manila (8-5-10) ug Pasig City (7-11-10).

Nangulo ang Iligan City sa tibook Region X nga naa sa ika-11 nga adunay 7-8-16.

Ang Cagayan de Oro naa sa ika-20 ug gadahum pa og mga gold sa boxing.

Sa table tennis, si Casandra Nicole Baltar lang ang taas nga niabot sa tibuok CdeO table tennis team.

Nakatungtong si Baltar sa top-8 a women’s singles event, samtang sila Dario Hernane ug Vincent Dane Macalam kutob ra sab sa top-16 sa men’s singles.

Top-16 ra sab kutob ang panagkumboyan nila Hernane ug Macalam sa men’s doubles, ingon man sab nila Antonette Neri ug Baltar sa women’s doubles.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph