SUPERBALITA CAGAYAN DE ORO

CdeO volleybelles gibarang?

CEBU CITY -- Gituohan sa coach sa Cagayan de Oro City volleyball women’s nga gibarang ang iyang mga players atol sa 2018 Philippine National Games women’s indoor volleyball niadtong Biyernes, Mayo 25, sa University of San Carlos main campus gym.

Matod ni Cadoy Seno ang coach sa maong team nga daw gibaranga ang iyang mga players hinungdan nga naglisod kini sa ilang depensa.

Hangtod karon dili makatuo si Seno nga nabaslan ang iyang team tali sa Bayawan alang sa away sa bronze atol sa maong kompetisyon.

Wala hatagi sa Bayawan ang Team CdeO volleybelles og usa ka set sa ilang panagsangka para bronze nga medalya.

Hingpit ang ilang panagsangka sa tanan sets diin nahuman sa 25-23, 29-27 ug 25-20.

Sa elimination round wala sab hatagi sa Team CdeO ang Bayawan og set ug gilatos pa sa matag set.

Apan nabali kini sa sunod nila nga atbang.

Matod ni Seno nga mas kusog pa ang atake sa CdeO ug hinay ang mga balos sa Bayawan.

Ang problema dili makuha sa CdeO volleybelles ang smart attacks sa Bayawan.

“Gipangbarang ug gipangyam-yam man siguro kami,” ingon ni Seno.

Matod pa niini nga daw adunay nagpugong sa ilang mga tiil ug dili usab makuha nila ang smart attacks aron pagpildi sa kaatbang.

“Hinay kaayo ang mga returns sa Bayawan ug natingala ko nga dili makuha sa akong mga girls ang bola morag gihiktan ang mga tiil,” matod ni Seno.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph