SECTIONS
Monday August 20, 2018
SUPERBALITA CEBU

Dul-an sa P.5 M shabu nasakmit

DUL-AN sa P.5 milyunes nga balor sa shabu ang nasakmit sa awtoridad sa managlahing buy-bust operations sa Metro Cebu.

Si Leister Gendrauli, 33, minyo ug taga sa Sitio Chicago, Barangay Duljo Fatima, dakbayan sa Sugbo, nasikop sa operasyon niadtong Biyernes sa gabii.

Gipangulohan ni P/Chief Insp. Randy Caballes ang operasyon.

Nakuha gikan ni Gendrauli ang 22 ka mga pakete sa gituohang shabu, medium heat-sealed transparent plastic pack sa gituohang shabu, mga drug paraphernalia, ug kuwarta.

Gibanabanang may gibug-aton nga 6.32 grams ang drugas nga balor sa P74,576.

Sa laing bahin, mobalor og P333,468 ang shabu nga nasakmit gikan sa duha ka lalake sa Sitio Kastila-an, Barangay Ermita, siyudad sa Sugbo niadtong Miyerkules sa hapon.

Ang mga suspek giila nga sila si Arnulfo Sagarino Abellar, 55, ug Renato Empuerto nga nagpuyo sa naasoy nga barangay.

Nihimo sa operasyon mao ang kapulisan sa Cebu Drugs Enforcement Unit (CDEU) ug Criminal Investigation Branch (CIB) ubos ni P/Sr. Supt. Joel Doria.

Gibanabana nga 28.26 ka gramos ang nasakmit nga gidiling druga.

Samtang, tulo ka tawo ang nangasikop sa managlahing buy-bust sa Compostela ug Alcantara niadtong Huwebes sa gabii ug Biyernes sa hapon.

Nadakpan sa Barangay Canamucan, Compostela sila si Rolando Tejero, 37, ug Lemuel Quiñeno, 42, ug nadakpan sa Barangay Palanas, Alcantara si Rodolfo Castillo, 31.

Nakuha gikan nila ang tulo ka gagmayng pakete sa shabu nga may gibug-aton nga 0.09 gramos ug gibanabana nga mobalor og P1,062. (Carla Jane Calotes, Loydin Frill Chavez - CNU Comm. Interns)


VIEW COMMENTS