MAGPAHIGAYON ang Cagayan de Oro Ultimate Players Association (CUPA) og usa na sab ka beach Frisbee tournament nga ang Sunset Session volume two karong Hunyo 2-3 didto sa Jesper Beach sa Barangay Bonbon.
Kapin 10 na ka teams ang kompirmadong moapil ug sige pa dawat og registration sa gusto pa moapil.
Ang nagkompirma na mao ang Abu A-CdeO, Abu B-CdeO, Gunners-CdeO, Flash-CdeO, Hype-CdeO, Gamblers, Gecko-Iligan, UGA-Ultimate Green Archers-Iligan, Brad Ultimate-CdeO ug Fake Taxi Ultimate-CdeO.
Motaas pa kini nga numero sa partisipante ug gidahum nga moabot pa sa kapin 20.
Matag team adunay tulo ka lalaki ug usa ka babae.
Ang frisbee usa ka tumotubo nga sport sa Cagayan de Oro ug ubang probinsya sa Northern Mindanao.
Nagkadaghan na ang mga miyembro sa dakbayan nga kanunay gadula sa Don Gregorio Pelaez Sports Center matag hapon paingon gabie.
“Amo kini ginapromote para modaghan ang among tribu sa Frisbee dinhi sa Cagayan de Oro,” ingon ni Aldrich Barba, kinsa usa sa mga miyembro sa CUPA.
Ang frisbee usa recreation ug sport gamit ang flying disc.