High-value target nga tindera nasikop

NADAKPAN sa laing buy-bust operation sa mga otoridad ang laing suspek kinsa giingong usa ka high-value target (HVT) sa Barangay 24 dakbayan sa Cagayan de Oro.

Ang maong dinakpan usa ka tindera nga naila nga si Antonio Balaba, 42, minyo ug residente sa nahisgutang dapit kinsa usab usa ka drug surrenderee.

Nasayran nga nagpahigayon ang kapolisan gikan sa Police Station 2 (PS2) sa Cogon ug laing operasiyon sa pagpangulo na usab ni Police Chief Inspector Harvey Abellanosa, inubanan sa tinugyanan sa Philippine Drug Enforcement Agency (PDEA) lakip na usab sa Regional Intelligence Unit (Riu) sa pagpangulo ni Police Senior Inspector Jason Sto Domingo ug City Intelligence Unit ni Police Superintendent Juram Jumalon og drug buy-bust operation diha sa Barangay 34 ning dakbayan ug nasikop ang giingong usa ka HVT level one sa Barangay 24.

Nagmalampuson ang operasyon human napalitan sa ginadiling drugas ginamit ang P100 nga buy-bust money.

Ang maong mga ebedensiya ang gidala sa Philippine National Police crime laboratory alang sa eksaminasiyon.

Nagtingkagol na usab ang suspek sa bilanggoan.