NISITA si Rep. Gerald Anthony “Samsam” V. Gullas, Jr. sa pabrika sa Taiheiyo Cement Philippines, Inc. ingon man sa minahan ug pantalang giduma sa Solid Earth Development Corp. (SEDC) sa San Fernando, Cebu.
Gipadayag niya sa duha ka kompanya ang iyang pasalamat tungod sa mga social development programs nga gipahigayon nila alang sa iyang mga lumolupyo, ug sa mga nakat-onan niya kabahin sa operasyon sa mga bug-at nga industriya.
Giubanan ang kongresista sa unang distrito sa probinsya sa Sugbo sa iyang pagbisita sa nagduma sa planta nga si Kazuhiko Ichizawa, kasamtangang mas taas nga luyo-luyong pangulo alang sa operasyon nga mopuli sa unya isip pangulo ug CEO.
Miuban nila sila si Hiroyuki Sakakibara, direktor sa SEDC ug chief technical adviser, ug ni Shigeki Koide, luyo-luyong pangulo alang sa pangawani ug pamunoan, didto sa minahan sa anapog sa SEDC sa bukirang bahin sa Tonggo luyo sa planta sa TCPI.
Miderecho sila sa may hurna, central control room ug quality testing laboratory sa planta, ug mipadayon sila sa pantalan, naniid sa pagkarga sa mga sako sa semento nga ipakatap sa mga nagkalainlaing dapit sa Luzon, mga isla sa Kabisay-an, ug Mindanao.
Gihimug-atan nilang Ichizawa ug Sakakibara ngadto sa batan-ong magbabalaud ang pasalig sa masigka-korporasyon nga ilang giduma alang sa kauswagan ug kalamboan sa San Fernando, ug sa ti
Tighimo ang TCPI og 1.6 ka milyon nga toneladang semento matag tuig, mga unom ka porsyento sa tinuig nga panginahanglan sa nasod nga molapas na sa 26 milyones nga tonelada sa tuig 2016, nagtanyag sa merkado sa mga sementong Grand Portland, Grand Pozzolan, Grand Premium ug Grand Masonry.
Ang TCPI mipauman sa responsable nga pag-ugmad sa kinaiyahan pinaagi sa pagpananom og mga kahoy ug paghimo sa mga sosyal ug medikal nga kalihokan alang sa katawhan sa dapit sa ilang operasyon. (PR)