SUPERBALITA CAGAYAN DE ORO

Paggamit sa barang, pwede gud

CEBU CITY -- Nakaaghat og text kanako si St. Mary’s School basketball coach Rene Ilogon pagbasa niya sa akong balita “CdeO volleybelles gibarang?” nga nigawas niadtong Domingo niining pamantalaan.

Durong katawa ni coach Rene pagtan-aw pa lang niya sa title sa estorya ug nisamot pagbasa niya sa tanan detalye.

Kay mao sad na ang iyang nabati sa iyang players niadtong nagkombati sila sa niaging Palarong Pambansa basketball elementary boys event didto sa Vigan City.

Butyag ni Ilogon nga dili gapanulod ang ilang mga tira bisan naay follow-up shots niadtong nag-away sila kontra sa Western Visayas sa quarterfinal.

Busa nakaingon siya nga gibarang o giyam-yam ang iyang team ug nakita ni Ilogon nga wala siya mag-inusara sa dihang nabasa niya ang nasinati ni Cagayan de Oro volleybelles coach Cado Seno.

Nakalingo-lingo si Seno nga nabaslan iyang team kontra sa Bayawan. Ang sakit pa gyud, didto pa sila napilde sa away alang bronze.

Giparot sa CdeO volleybelles ang Bayawan sa elimination round agi sa 3-0, apan nasumbalikan sa susamang iskor alang sa battle for third.

Matod ni Seno nga morag gihiktan ang mga tiil sa iyang mga players maskin lang pagdawat sa bola diin hinay ang mga reception sa Bayawan.

Galabaw sila una sa matag sets apan naapsan sila ug nakuha ang kadaogan.

Alang sa kasayuran, dili makita ang elemento o pwersa sa mahika o magic apil na ang witchcraft o voodoo.

Pero naa lang ko mastorya sa 1978 World Chess Championship Match tali ni defending champion Anatoli Karpov ug challenger Victor Korchnoi diin gipahigayon didto sa Baguio City.

Unsay usa sa ilang mga stratehiya? Nagdala sila sa ilang kadaiyang “parapsychologists” para makadisturbo sa panghunahuna.

Gidala ni Karpov si Vladimir Zukhar diin iyang mga mata morag gakalayo nga uling.

Gipalingkod siya sa first row sa spectators ug iya trabaho motutok kanunay kang Korchnoi.

Nabati kini ni Korchnoi, nagdala sab siya og iya nga mga Indiano nga sila Didi ug Dada aron mataparan si Zukhar. Basi sa taho, nakadisturbo kini kang Karpov ug Zukhar.

Nilabaw si Karpov sa match sa iskor 5-2, apan natabla ang match ngadto sa 5-tanan pag-abot sa mga Indiano.

Mao ni ang usa sa pinaka joker nga kasaysayan sa sports. Wala man hinuon ko nakasaksi og barang ug yam-yam pero nahimong ehemplo ang match nila Karpov ug Korchnoi nga pwede magamit sa unsang klase nga pagdaug kung gustoon lang.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph