ANG lokal nga otoridad nipakusog karon sa seguridad alang sa pag-abli sa klase sunod tuig.
Si Police Regional Office (PRO)-Davao Region spokesperson Police Chief Inspector Milgrace Driz nagkanayon nga gawas sa pagsalmot sa Brigada Eskwela, sila usab nagpakatag og mga personahe sa tunghaan ug kadalanan.
“Every police station has to implement initiatives and to provide manpower to help clean up public schools. In order to strengthen the ‘Ligtas Balik Eskwela,’" suma niya.
Sila usab maghatag og information drive labot modus sa mga kriminal sa maong kalihukan.
“PRO 11 (Davao Region) has involved the community in public safety awareness and security matters in order to strengthen the camaraderie and support among our stakeholders,” dugang niya.
Si Driz nagkanayon nga PRO-Davao regional director Police Chief Superintendent Manuel Gaerlan nagmando na sa tanang kapulisan nga mag-igmat aron maseguro ang kahusay ug kalinaw ug mapanalipdan ang katawhan.
Siya usab nagkanayon nga sila maghatag seguridad sa matag eskwelahan nga dunay tag duha ka pulis.
Ubang pulis ipakatag sa mga lugar ug motabang pagpahapsay sa dagan sa trapiko aron luwas ang kabataan.
“We will provide public safety services to the people as it will be our primary concern,” suma ni Driz. (Juliet C. Revita)